ClickBank මගින් මුදල් උපයන හැටි | ClickBank 1

ClickBank මගින් මුදල් උපයන හැටි | ClickBank 1

 
ClickBank කියන්නේ Affiliates program එකක්. ඒ කියන්නේ අතරමැදියෙක් හැටියට කටයුතු කිරීමක්. උදාහරණයක් කීවොත්. ගොවියෙක් මහන්සිවෙලා කුබුරු කොටලා "වී" නිපදවනවා. අතරමැදියෙක් ඒ "වී" අරගෙන ගිහින් කොටලා හාල් කරලා, පැකට් කරලා කඩේට දානවා. ඉතුරු ටික කඩේ මුදලාලිට බාරයි. අපිට කරන්න තියෙන්නේ අර අතරමැදියා කරපු වැඩේ. මේකේ විශේෂත්වය තියෙන්නේ මුදලාලි හාල් විකුනපුවාමයිඅතරමැදියාට ගානක් ලැබෙන්නේ, ඒ වගේම අතරමැදියා හා ගොවිරාළ අතර මුදල් ගනුදෙනුවක් වෙන්නේ නෑ. ඒ කියන්නේ අතරමැදියා ශත පහක්වත් වියදම් නොකර ගානක් කඩාගන්නවා කියන එක.

අපි එහෙනම් කතාවට බහිමුකෝ. ClickBank කියන්නේ මෙහෙම එකක්;

මේක ප්‍රධාන පියවර 3කින් විස්තර කරන්නම්
 

Step 1: Join ClickBank (ගිනුමක් සාදා ClickBank සමග එකතු වීම)

Step 2: Find Products to Promote (කඩේට දාන්න හොද භාන්ඩයක් සොයා ගැනීම)

Step 3: Promote the Affiliate HopLink (හොයාගත්ත භාන්ඩය විකුනාගැනීමට ක්‍රමෝපායන් යෙදීම)

කීයක් හොයාගන්න පුලුවන් වෙයිද?

 සැහෙන ගානක්. අපි විකුනන භාන්ඩයකින් 10- 75% ක් දක්වා කොමිස් එකක් හම්බෙනවා. භාණ්ඩයෙන් භාණ්ඩයට මේක වෙනස් වෙනවා. සාමනයෙන් අපි විකුනන්න හදන්නේ $10- $100 දක්වා වගේ භාණ්ඩ.ගණන් හදලා බලන්නකෝ.

එහෙනම් වැඩේට බහිමු;

අවශ්‍ය දේවල්;
 

* ClickBank ගිනුමක්

* twitter ගිනුමක්

* බ්ලොග් අඩවියක්/ වෙබ් අඩවියක්

* තරමක් දුරට ඉංග්‍රීසි දැනුම

* නිර්මානශීලීබව/ කපටිකම/ දිනකට පැයක පමණ කාලයක්

අපි එකින් එක බලමු;

 ClickBank

 ගිනුමක් සාදාගැනීම
 

1.   http://www.clickbank.com/index.html   වෙත පිවිස "Sign Up"මත ක්ලික් කරන්න.
 

2. ඉන්පසු පහත ලෙස Application එක පුරවන්න
  

3. ඔබ ඇතුලත් කල ඊමේල් ලිපිනයට ලොග් වී ClickBank ගිනුම සක්‍රීය කරන්න. ඔබට දී ඇති NikeName එක හා Password එක මතක තබාගන්න, නැත්නම් කොහේ හෝ සටහන් කරගන්න.

twitter ගිනුමක් සාදාගැනීම

1.  http://twitter.com/  වෙත පිවිස "Sign Up"මත ක්ලික් කරන්න.

2. ඉන්පසු පහත ලෙස Application එක පුරවන්න
  

 
3. ඔබ ඇතුලත් කල ඊමේල් ලිපිනයට ලොග් වී twitter ගිනුම සක්‍රීය කරන්න. twitter  ගිනුමෙන් පුලුවන් තරම් සුද්දන්ව ඇඩ් කරගන්න. සුද්දෝ ගොඩක් ඉන්න තරමට වාසියි

බ්ලොග් අඩවියක්/ වෙබ් අඩවියක්  සාදාගැනීම

බ්ලොග් එකක් කීවට, සිංඩිකේටර හා Search Engine වල පලවෙන සුද්දන් නිතර පැමිනෙන බ්ලොක්කයක් වෙන්න ඕනේ. වෙබ් අඩවියක් වුනත් එහෙමයි. මේක ටිකක් අමාරු වැඩක්. .:::Panhida|පන්හිද:::. කියන මිත්‍රයාfree hosting දෙනවා කියලත් තියෙනවා. පුලුවන්නම් වෙබ් හෝ බ්ලොග් අඩවියක් හදාගන්න. නැතත් කමක් නෑ. නැත්නම් මොනවා කරන්නද නේද?

google ගිනුමකුත් තිබ්බොත් හොදයි. මොකද, අපි මේ වැඩේට goo.gl url shortner එක භාවිතාකරනවා.
නැතත් කමක් නෑ

දැන් ඔක්කොම කලමනා ටික හරි.ලෑස්ති වෙලා ඉන්නකෝ e-මනී හොයන්න.

මේකත් මුලින්ම කියන්න ඕනේ මම මේකෙන් කිසිම මුදලක් හොයලා නෑ. මට බෑ සුද්දන්ට දෙකට නැමෙන්න. හැබැයි 100%ක් නිවරදිව. සරලව හරිම ක්‍රමේ මං කියලා දෙන්නම්. කම්මැලියි අප්පා ලියන්න. ඉතුරු ටික තව ලිපියකින් ලියන්නම්

ClickBank මගින් මුදල් උපයන හැටි | ClickBank කුප්පිය #2

අපි පලමු ලිපියෙන්; අවශ්‍ය කළමනා ටික ලැස්ති කරගෙන, සර්ව සම්පූර්ණව ගිනුම් හදලා, ClickBank කියන්නේ මොකක්ද? ඒකෙන් කීයක් උපයන්න පුලුවන්ද යන මූලික තොරතුරු ටික කතාකලා.

සමහරුනම් තෘප්තිමත් වෙන්න නැතිව ඇති, මොකද; ගිනුමක් නොමිලේ හදාගන්න එක මහ ලොකු දෙයක්ද කියලා. මේ ලිපි විවිධ වයස් පරතරවල අය කියවනවා, ඒ හැමෝටම තේරෙන්න කියලා දෙන්නත් එපායැ. අද තමා වැදගත්ම ලිපිය. ඒ නිසා සැලකිල්ලෙන් කියවන්න. ගැටලුවක් තියෙනවානම් අහන්න. මං කියන්නේ කොමෙන්ට් දාලා යන්න කියලා නෙවේ. ඒත් ඔබලා මේ ලිපිවලින් ප්‍රයෝජනයක් ගත්තද, මං කියන අණ්ඩර දෙමළ පාඨකයින්ට තේරුනාද කියලා දැනගන්නේ දාලා යන කොමෙන්ට් වලින්. තාක්ශණික තොරතුරු, මිලමුදල් ගැන ලිපි ලියන්නේ මට තියෙන වාසියකට නෙවේ. ඒකාකාරි බ්ලොග් කලාවට අලුතින් යමක් එකතුකරන්න හිතාගෙන. ඒ වගේම පාඨකයිනුත් මේ ලිපි ගැන උනන්දුවක් දක්වන නිසා. මේවා ඉතින් වැරදි විදියට දකින අයත් ඉන්නවා. මම නම් විශ්වාස කරන දෙයක් තමයි, මේ ලෝකේ අලුත් දෙයක් කරපු මිනිස්සු ඉස්සරහට ගියා, අනෙක් අය මග හැලුනා. ඔබ කොයි ගොඩේද කියන එක ඔබම හිතලා බලන්න.

එහෙනම් අපි වැඩේට බහිමු.

ClickBank මගින් කරන දේ ගැන මූලික හැදින්වීමක් කරන්නම්. ClickBank කියන්නේ eBay වගේ කඩයක්. ඒ තරම්මනම් භාණ්ඩ නෑ. ඒත් සෑහෙන භාණ්ඩ තොගයක් තියෙනවා. අපි කරන්නේ අපි විකුණන්න කැමති භාණ්ඩයක් ‍තෝරනවා.  ඊට පස්සේ ClickBank මගින් අපට රෙෆෙරෙල් ලින්ක් එකක් ඒ භාණ්ඩය සදහා හදලා දෙනවා. ඒක ඒ අය හදුන් වන්නේ Hop Link කියලා. අපි ඒ ලින්ක් එක මගින් පාරිභෝගිකයන් යවලා මිලදීගැනීම් කලොත් අපට කොමිස් එකක් හම්බෙනවා.

පලමු ලිපියේ කියපු විදියට හැමදේම ලක ලෑස්ති කරගන්න ඇති කියලා හිතනවා. ඉතුරු ටික පියවර ක්‍රමයට විස්තර කරන්නම්.

පියවර 1

ඔබේ ClickBank ගිනුමට ලොගින් වන්න

පියවර 2

Marketplace වෙත යන්න

 

පියවර 3

සයිඩ් බාර් එකෙහි Categories මගින් ඔබ විකිනීමට කැමති භාණ්ඩය ‍තෝරන්න. මම Computers / Internet කියන ලින්ක් එක ‍තෝරන්නම්. දැන් එන රිසල්ට් එකෙන් ඔබ විකිනීමට කැමති භාණ්ඩය ‍තෝරන්න

ඔන්න මං එකක් ‍තෝරගත්තා. මිල දාලා තියෙනවා $20.01 යි කියලා.  

පියවර 4

මුලින්ම ලා නිල් පාට ලින්ක්  එක ක්ලික් කරන්න

අලුතෙන් පේජයක් එයි. ඒකේ යටම මිලක් දාලා තියෙනවා

බලන්නකෝ.  

$29.99 ක්. මෙන්න පොයින්ට් එක නිවරදි ගාන $20.01 යි. විකුණන්නේ $29.99 ට ඒ කියන්නේ $9කට වැඩි ගානක් අපේ පොකට් එකට. වැඩේ ලාබයි නේද? 

පියවර 5  

පියවර 3 හි රෝසපාට ලින්ක් එක ක්ලික් කරන්න. දන් පොප් අප්

පේජයක් එයි. මෙහි නිල් පාට ලින්ක් එක ක්ලික් කරන්න

පියවර 6

දැන් මේ වගේ පේජයක් ලැබේවි 

රතු පාටින් ලකුනු කරලා තියෙන ලින්ක් එක මේ භාණ්ඩයට අදාල අපේ රෙෆරල් ලින්ක් එක. කොල පාටින් පෙන්වලා තියෙන්නේ ඔබේ වෙබ් අඩවියට ඇතුලත් කල හැකි HTML කෝඩ් එක. ඒක පස්සට තියමුකෝ.

දැන් මේ රතු පාට ලින්ක් එක මගින් ඇවිත් කෙනෙක් මේ භාණ්ඩය මිලදී ගත්තොත් ඔබට අර කලින් කීව කොමිස් එක හම්බෙනවා. මේ ලින්ක් එක අපි දැන් බෙදා දෙන්න ඕනේ සයිබරයට. අපි මේ ලින්ක් එක ඕං ගනින් කියලා දුන්නාට මිනිස්සු මේවා මිලදී ගන්නේ නෑ. මේවාට සුපිරි ක්‍රම තියෙනවා. අපි අනිත් ලිපියෙන් ඒ ගැන බලමු. මං කියලා දෙන්නම් කොහොමද බටර් ගාලා, අයිසින් දාලා මේ ලින්ක් එක බෙදන්නේ කියලා.අනෙක් ලිපියෙන් හමුවෙමු. මේ කියපු ටික හොදට තේරුම් ගන්නකෝ. මෙතනින් එහාට තියෙන්නේ හිනාවෙවී බලන් ඉන්න.

ClickBank මගින් මුදල් උපයන හැටි | ClickBank කුප්පිය #3

Posted by iPlus on 12:19 PM

නිවරදිව ගිනුමක් හදලා, HopLink හදාගන්න හැටි දක්වා අපි කතාකලා. දැන් මූලික දේවල් ඉවරයි. දැන් අපි හදන්නේ සුරංගනා කතා කියලා, අපි ‍තෝරගත්ත භාණ්ඩය සුද්දෙකුගේ කරේ ගහන්න.අපි හදන්නේ Twitterහරහා මේක සයිබරයට බෙදාහරින්න. මුලින්ම මේ කරුණු අපි දැනගන්න ඕනේ. Twitter හරහා බෙදා හරින්න පුලුවන් අකුරු 140ක ලිපියක් විතරයි. ඒ හින්දා අපේ සුරංගනා කතාව අකුරු 120 කට විතර සීමා කරන්න ඕනේ. මොකද, ලින්ක් එකටත් අකුරු 10ක් විතර තියාගන්න එපාය.


මම මුලින් කීවා ගූගල් එකෙන් ලින්ක් එක ෂෝර්ට් කරන්නේ කියලා. ඒ අපිට කී දෙනෙක් අපේ ලින්ක් එක හරහා ගියාද කියලා බලගන්න පුලුවන් නිසා. ඔය රතු පාට ලින්ක් එක කොපි කරලා url shortner හි පේස්ට් කරලා ලිපිනය කෙටි කරගන්න.

  දැන් අපි හදන්නේ සුරංගනා කතාව ලියන්න. අපි අර මුලින් සර්ච් කරලා භාණ්ඩයක් ‍තෝරගත්තනේ. එතන තියෙනවා ඒක ගැන පොඩි විස්තරයක්. ඒකෙන් ලස්සනම ටික අපි උපුටාගන්නවා. උපුටලා ඇරන් අකුරු ගාන120ක් වෙන්න හදාගන්නවා.

 
1යි 2යි කියලා ගනන් කරන්න අමාරු නිසා මං දෙන්නම් පොඩි වෙබ් පේජයක්. ඒක ඩවුන්ලෝඩ් කරලා ඩෙස්ක්ටොප් එකේ තියාගන්න. ඕනේ වෙලාවට ඒක ඕපන් කරලා අකුරු ගාන ගනන් කරගන්න. මෙතනින් බාගන්න.


දැන් අර ලින්ක් එකත් පේස්ට් කරලා අකුරු ගාන ගනන් කරගන්න. පේනවනේ මං දැන් අකුරු 135ක එල ටොපියක් හදාගෙන තියෙනවා. ඔන්න දැන් ටොපිය කවන්නයි යන්නේ


  දැන් Twitter වලට ලොග් වෙලා ඔබ හදාගත්තු ටොපිය යාලුවන්ට බෙදාදෙන්න. වැඩේ වැඩියෙන් රස ටොපි කවලා, වැඩි වැඩියෙන් උපයන්න. ඔබත් මේ විදියට ලින්ක් එක ප්‍රසිද්ද කරන්න තව තව අලුත් ක්‍රම හිතලා බලලා යෝජනා කරන්න.
මේක ඔබේ වෙබ් පි‍ටුවට දාන්න හොද ක්‍රමයකුත් තියෙනවා. ඒ වගේම මං අලුතින් හිතපු තව ක්‍රමත් තියෙනවා. බය වෙන්න එපා, දන්න හැම දේම අපේ එවුන්ට කියලා දෙන්නම්. ඒ වගේම Tips And Tricks ටිකකුත් තියෙනවා. තව ගොඩක් ලිපි මේ ගැන ලියන්න අදහසක් නෑ. තව එක ලිපියක්, වැඩිම වුනොත් දෙකක්  ClickBank ගැන ලියන්න වෙයි.
අලුතින් පුන්ච් පහේ Tech සපෝට් එකකුත් පටන්ගත්තා, ඔය උඩ සයිඩ් බාර් එකේ ඒ ගැන විස්තර ඇති. අපි නැවත අලුත් දෙයකින් හමුවෙමු

ClickBank මගින් මුදල් උපයන හැටි | ClickBank කුප්පිය #4

Posted by iPlus on 11:12 AM

මේක ClickBank ගැන ලියන අන්තිම ලිපිය. මේකෙන් කියන්නේ අර අපි කලින් හදාගත්ත ටොපි සුද්දන්ට කවන්න විවිධ ක්‍රම සහ විධි ගැනයි. ගොඩක් අය හිතුවට මේවා විහිලු වැඩ කියලා, ඒ අයගේ අවබෝදය මදිකම මිස වෙන දෙයක් නෙවේ. eMoney ගැන රහ වැ‍ටුනම තේරෙයි. මේකේ ගොඩක් දුර යන්න පුලුවන්. ගූගල් එකේ "How to Earn Online" කියලා සර්ච් කරලා හෙම්බත් වෙලත් නැතෑ. හේතුව මොකුත් නෙවේ, එක් ක්‍රමයක් අහුවුනොත් ඒක හැමෝටම කියලා වර්චස් කරගත්තොත් ඒ හොයාගත්තු කෙනාටත් ඒකෙන් ප්‍රතිලාභයක් ගන්න බැරිවෙනවා. මොකද, ඔලුව දාගන්න දුන්නාම, ඇගත් දාගන්න මිස්සුනේ ඉන්නේ. ජංජාලේ මිල මුදල් සෙවීම ගැන මම ගොඩක් හොයලා බලලා තියෙනවා. කඩ්ඩ ගොඩක් බැරිවුනත්, ලියලා තියෙන දේ තේරුම්  ගන්න බැරිකමක් නෑ. අපි බලමුකෝ. මං හිතුනොත් ලිපි ටිකක් දාන්නම්. මේවා ඉතින් වදින්න ගිය දේවාලේ ඉහේ කඩා වැටෙන වැඩ. හරි කමක් නෑ, කතාවට බහිමු,මෙන්න මම යෝජනා කරන ක්‍රම;


01. Discussion boards/ forums
02. Facebook/ Twitter and Other Social Networks
03. බ්ලොගයක් හෝ වෙබ් අඩවියක් මගින්




01. Discussion boards/ forums

මේක භාන්ඩ විකුනා ගැනීමට තියෙන සුපිරිම ක්‍රමයක්. ඔබට තියෙන්නේ මේ අඩවි වල රෙජිස්ටර් වෙලා, ලිපි ලියන්න හෝ කොමෙන්ට් දාන්න. මොනවා හරි ගැන ලිපියක් ලියලා, අන්තිමේට අපේ භාන්ඩය ගැන පොඩි විස්තරයක් ලියලා ලින්ක් එක දානවා. එහෙමත් නැත්නම් වෙන කවුරුහරි ලියලා තියෙන ලිපියකට කොමෙන්ට් එකක් දානවා. මේකට අපි තුන්වන ලිපියේ හදාගත්තු ටොපිය හොදටම ප්‍රමානවත්. මම නිර්දේශ කරනවාමේ වෙබ් අඩවි;



http://forums.digitalpoint.com/
http://www.squidoo.com/
http://hubpages.com/
http://answers.yahoo.com/
http://www.blackhatworld.com
http://www.neowin.net/forum/
http://forums.ivillage.com/
http://boards.askmen.com/
http://forum.triphp.com/


02. Facebook/ Twitter and Other Social Networks


ට්විටර් භාවිතාකරලා ටොපිය බෙදාහරින හැටි 3 ලිපියේ කීවානේ. ඒ වගේම තමයි ෆේස්බුක් හා වෙනත් සමාජ ජාලා වෙබ් අඩවි වලත් කරන්නේ. මේකට වෙනම එකවුන්ටස් හදාගත්තොත් හොදයි. ඒ කියන්නේ ලංකාවේ යාලු ම්ත්‍රයෝ නැති සුද්දෝ විතරක් ඉන්න එකවුන්ට්. ෆෑන් පේජ් හදාගැනීමත් හොදයි.


03. බ්ලොගයක් හෝ වෙබ් අඩවියක් මගින්

 මේකට එල වැඩක් තියෙනවා. ClickBank මගින් දීලා තියෙනවා, අමතර පහසුකමක්. ඒකට කියන්න HopAd Builder කියලා. ඒකෙන් එයාලා පහසුකම් සලසනවා විජෙට්‍ටුවක් විදියට අපේ ලින්ක්ස් ටික හදාගන්න. මේකේදී අපි දෙන්න ඕනේ Keywords විතරයි. ඒ වැඩේ කරන්නේ මෙහෙමයි,රූපයේ තියෙන විදියට කරපුවාම හරි,

පියවර 1

පියවර 2

* A - වම් පැත්තේ 1,2,3 දාලා තියෙන කො‍ටු පුරවපුවාම ඒ අනුව දකුණු  පැත්තේ 1,2,3 දාලා තියෙන කො‍ටු පිරවෙනවා.
* B - වෙබ් අඩවියට හෝ බ්ලොක්කයට ගැලපෙන ලෙස විජෙට්‍ටුවේ පෙනුම හදාගන්න පුලුවන්
* C - මෙමගින් ඔබ සැදූ විජෙට්‍ටුවේ, HTML කෝඩ් එක ලබාගන්න පුලුවන්.


ClickBank ලිපි පෙල අවසානයි. කැමතිනම් අදහසක් දාලා යන්න. ඔබට ඇතිවෙන ඕනේම ගැටලුවකදී මම ඉන්නවා. පොඩි හරි ගැටලුවක් තියෙනවානම් අහන්න. ජංජාලේ ඇතිවෙන ඕනේම ගැටලුවකට tplus.cx.ccඑන්න. මීට අමතරව තව ඔබ දන්නා link promotion tips  තියෙනවානම් හැමෝටම දැනගන්නත් එක්ක කියලා යන්න.